Сустаршыня нямецкай правапапулісцкай партыі «Альтэрнатыва для Нямеччыны» (AfD) Фраўкэ Пэтры заявіла, што ня ўвойдзе ў склад фракцыі AfD ў Бундэстагу. Яна дэманстратыўна пакінула прэс-канфэрэнцыю кіраўніцтва партыі, прысьвечаную вынікам парлямэнцкіх выбараў.
Альтэрнатыва для Нямеччыны прайшла ў Бундэстаг упершыню. Яна набірае 13%, прычым на ўсходзе Нямеччыны — у былой ГДР — за AfD прагаласавалі амаль 23% выбарнікаў.
Пэтры, якая аказвае памяркоўнае крыло ў «Альтэрнатыве для Нямеччыны», разышлася ў поглядах з палітыкамі, якія прадстаўляюць радыкальнае крыло. Зь імі падчас перадвыбарчай кампаніі ў Пэтры безупынна ўзьнікалі рознагалосьсі.
Партыя выступае за ўзмацненьне жорсткасьці міграцыйнай палітыкі, адмову ад эўра і адмену санкцыяў супраць Расеі.