На самалёце Ан-12, які разьбіўся ў сераду пад Іркуцкам, ляцелі 9 чалавек, паведаміла ТАСС. Раней было вядома толькі пра 7.
«Паводле ўдакладненых зьвестак, атрыманых ад прадстаўніка авіякампаніі „Гродна“, на борце паветранага судна знаходзіліся дзевяць чалавек, у тым ліку пяць членаў экіпажу і чатыры чалавекі, якія суправаджалі груз», — паведаміў першы намесьнік кіраўніка іркуцкай абласной управы МНС Андрэй Рабаволаў.
Зь дзевяці чалавек трое — грамадзяне Беларусі, чатыры — Расеі, 2 — Украіны.
«Авіякампанія Гродна» апублікавала поўны сьпіс загінулых у катастрофе самалёта пад Іркуцкам:
- Камандзір ВС — Аляксандар Ягораў (Расея)
- Другі пілёт — Алег Шчучко (Украіна)
- Бортрадыст — Аляксандар Чупрыненка (Украіна)
- Штурман — Андрэй Сяргееў (Беларусь)
- Бортмэханік — Юры Крапалеў (Расея)
- Інжынэр — Дзьмітры Гарманенка (Беларусь)
- Інжынэр — Максім Карпук (Беларусь)
- Службовы пасажыр — Юрый Валодзін (Расея)
- Службовы пасажыр — Алег Вішнёў (Расея)
Знайшлі целы шасьці чалавек.
Паводле крыніцы, знаёмай з ходам расьсьледаваньня, прычынай крушэньня мог стаць ледзяны дождж, паведаміў Interfax.
ГЛЯДЗІЦЕ ТАКСАМА: «Першы палёт». Што вядома пра беларусаў з экіпажу АН-12, які разьбіўся пад Іркуцкам ГЛЯДЗІЦЕ ТАКСАМА: Што вядома пра авіякампанію «Гродна», чый самалёт разьбіўся ў Расеі