«Кіроўца BMW, ня справіўшыся з кіраваньнем, выехаў на паласу сустрэчнага руху і дапусьціў лабавое сутыкненьне з Volkswagen, у далейшым у іх урэзаўся цягач MAN», — расказалі падрабязнасьці ў СК.
У ДТЗ загінулі 5 чалавек: двое мужчын з BMW і сям’я з другога аўто. Яшчэ адно дзіця з Volkswagen з рознымі траўмамі было шпіталізавана.
Паведамляецца, што на месцы аварыі працуе сьледча-апэратыўная група, у склад якой увайшлі вопытныя сьледчыя, якія спэцыялізуюцца на расьсьледаваньні крымінальных спраў гэтай катэгорыі, з цэнтральнага апарата і абласнога ўпраўленьня Сьледчага камітэта.
«Узбуджаная крымінальная справа па ч. 3 арт. 317 (парушэньне правілаў дарожнага руху, якое прывяло па неасцярожнасьці да смерці дзьвюх і больш асоб). Устанаўліваюцца ўсе акалічнасьці здарэньня», — паведамілі ў сьледчым ведамстве.
ГЛЯДЗІЦЕ ТАКСАМА: «Каля 90% прадпрыемстваў расейскага ВПК будуць пад абстрэлам». Што вядома пра ўкраінскую ракету «Флямінга». ВІДЭА