Загадчыца Менскага гарадзкога цэнтру здароўя Сьняжана Каўрыга адзначыла, што ў 2022 годзе быў распрацаваны інфармацыйны праект «Скажы здароўю — ТАК!» Ён быў накіраваны на павелічэньне інфармаванасьці малодшых школьнікаў, падлеткаў і іх бацькоў аб важнасьці харчовых рацыёнаў і правільнага харчаваньня.
«У ходзе праекту мы выявілі, што дастаткова вялікі адсотак школьнікаў — гэта каля 30-40%, кожны год гэтая лічба вагаецца, — ня сьнедаюць і прыходзяць у школу нашча», — сказала Каўрыга, якую цытуе Люстэрка.
Экспэртка падкрэсьліла, што дзіця павінна сьнедаць, каб «выключыць галодныя непрытомнасьці ў дзіцяці ўжо да трэцяга ўроку».
Загадчыца Менскага гарадзкога цэнтру здароўя таксама вылучыла сярод асноўных праблем сучаснага харчаваньня школьнікаў залішнюю калярыйнасьць ежы, падвышанае ўтрыманьне ў ёй тлушчоў і цукроў, нізкае ўтрыманьне харчовых валокнаў, наяўнасьць дабавак і фарбавальнікаў, несвоечасовыя і хуткія прыёмы ежы.
ГЛЯДЗІЦЕ ТАКСАМА: Партрэт Каліноўскага прыбралі з падручніка для 11 клясы, паўстаньне 1863 году апісваецца «максымальна нэўтральна», — дасьледаваньне ГЛЯДЗІЦЕ ТАКСАМА: У школах Беларусі частку льготнікаў пазбавілі бясплатных абедаў