Сіярта назваў атаку на расейскі нафтаправод «нападам на сувэрэнітэт Вугоршчыны. «Украіна выдатна разумее, што трубаправод „Дружба“ жыцьцёва важны для энэргазабесьпячэньня Вугоршчыны і Славакіі, і што падобныя ўдары наносяць значна большую шкоду нам, чым Расеі», — напісаў ён у сетцы Х.
Міністар не сказаў пра якога камандзіра ідзе гаворка. Палітычны дырэктар вугорскага прэм’ер-міністра Балаж Орбан паведаміў парталу 444, што гаворка ідзе аб камандзіра Сіламі бесьпілётных сыстэм Украіны Робэрта Броўдзі, вядомаму па пазыўным Мадзьяр.
Уначы 21 жніўня ён паведаміў аб удары па «Дружбе» у сваім тэлеграм-канале, суправадзіўшы гэта тэкстам на вугорскай мове «Ruszkik haza!» (расейцы — дадому!). «Украінская праўда» зазначае, што Броўдзі — этнічны вугорац, а фраза, якую ён выкарыстоўваў, зьяўляецца лёзунгам вугорскага супраціву 1956 года.
Кіраўнік МЗС Украіны Андрэй Сібіга паабяцаў прыняць люстраныя меры ў адказ на рашэньне Будапэшта. «Вугоршчына знаходзіцца на няправільным баку гісторыі», — заявіў ён у сетцы Х.
У чацьвер прадстаўніца Эўракамісіі Эва Хрцынава заявіла журналістам, што Эўразьвяз падтрымлівае кантакты з Кіевам па пытаньні нафтаправода «Дружба», назваўшы яго важным для энэргабясьпекі ЭЗ. «Эўракамісія заклікае ўсе бакі гарантаваць бясьпеку абʼектаў крытычнай інфраструктуры», — сказала яна.
ГЛЯДЗІЦЕ ТАКСАМА: Украіна трэці раз пацэліла ў помпавую станцыю ва Ўнечы, Будапэшт заявіў аб спыненьні паставак нафты з Расеі