«Выкраданьне» Котава, візыт Лукашэнкі ў Кітай, тысячы аўто на мяжы

З палітолягам Паўлам Вусавым і іншымі гасьцямі этэру мы размаўляе пра таямнічае зьнікненьне былога чыноўніка Анатоля Котава, паездку Аляксандра Лукашэнкі ў Кітай, сытуацыю з чэргамі аўтамабіляў на польска-беларускай мяжы, 1 верасьня і вяртаньне дзяцей у школы, а таксама пра набыцьцё ініцыятывай Maldzis «Вялікага мастацтва артылерыі» Казіміра Семяновіча.

Пра зьнікненьне Котава

Павал Вусаў: Першая вэрсія, якая напрошваецца, што гэта апэрацыя беларускіх і расейскіх спэцслужбаў. Магчыма, што яна вялася на працягу некалькіх месяцаў ці году. Котаў паехаў у Турцыю добраахвотна і дзеяньня на мяжы ў Трабзоне таксама выглядалі добраахвотнымі. Падаецца, што чалавек паехаў туды на нейкую сустрэчу, з пэўнымі гарантыямі бясьпекі. І ў выніку дзеяньняў спэцслужбаў яго нэўтралізавалі вывезьлі ў Расею ці Беларусь. Для ўладаў гэтая акцыя пасьпяховая, каб паказаць сваю эфэктыўнасьць. Для тых, хто застаўся ў сыстэме, і тых, хто сышоў. Што ўлады сочаць за ўсімі і што няма недатыкальных. Што кожны апынецца там, дзе можа апынуцца. Гэта старая практыка з часоў СССР і ФСБ.

0:00 — Зьнікненьне ў Тур'эччыне былога чыноўніка Анатоля Котава

14:40 — Куды небясьпечна езьдзіць беларусам, якія асьцерагаюцца перасьледу

16:44 — Здароўе Лукашэнкі

24:40 — Паездка Лукашэнкі ў Кітай

28:50 — Каляпс на мяжы Беларусі з Эўразьвязам

44:45 — Што думае "настаўніца году Беларусі" пра сыстэму адукацыі

51:40 — Ініцыятыва Maldzis выкупіла унікальную кнігу 17 стагодзьдзя, напісаную беларусам