Z-артысты і арэнда пад вясельлі: што зрабілі з Купалаўскім тэатрам

Галоўны нацыянальны тэатар ператварылі ў пляцоўку для канцэртаў расейскай папсы і нават вясельных цырымоніяў.
Што б сказаў Янка Купала, убачыўшы, у што ператвораны тэатар ягонага імя. Усё пачалося ў жніўні 2020-га, калі сілавікі білі людзей на вуліцах Менску, а артысты Купалаўскага публічна выступілі супраць гвалту. Большасьць трупы тады звольнілася. З таго часу Купалаўскі – ужо ня той, тлумачыць журналіст Дзьмітры Гурневіч.