«Са студзеня мы зэканомілі падаткаплацельшчыкам дзясяткі мільярдаў даляраў. А пасьля перадачы невялікага набору асноўных праграм у Дзярждэпартамэнт USAID афіцыйна зачыняецца. Рас (Расэл Воўт, дырэктар Адміністрацыйна-бюджэтнага кіраваньня Дзярждэпартамэнта ЗША) зараз кіруе закрыцьцём агенцтва, якое даўно сышло з рэек», — напісаў Рубіё.
USAID — незалежнае амэрыканскае ўрадавае агенцтва, створанае Кангрэсам у 1961 годзе і якое налічвае каля 10 тысяч супрацоўнікаў па ўсім сьвеце. Гэта асноўнае падразьдзяленьне ўрада ЗША па аказаньні міжнароднай дапамогі. У тройку найбуйнейшых атрымальнікаў дапамогі летась увайшлі Ўкраіна, Эфіёпія і Ярданія.
У канцы лютага адміністрацыя Дональда Трампа заявіла аб спыненьні больш за 90% дапамогі замежным дзяржавам праз USAID. Паведамлялася, што агулам амэрыканскія ўлады спынілі дзеяньне каля 5800 грантаў. Пасьля гэтага ў сакавіку Марка Рубіё аб’явіў аб закрыцьці 83% праграм агенцтва і абʼявіў, што Дзярждэпартамэнт мае намер больш эфэктыўна кіраваць астатнімі каля 1000 праграмамі. Ілон МАск, які праводзіў аўдыт праграм агенцтва, неаднаразова крытыкаваў іх за «неэфэктыўнасьць» і адсутнасьць карысьці для ЗША і яе грамадзян.
ГЛЯДЗІЦЕ ТАКСАМА: ЗША скасавалі гранты на падтрыманьне дэмакратыі для Беларусі і шэрагу іншых краінаў на 214 мільёнаў даляраў