У ім падкрэсьліваецца неабходнасьць інвэстыцый у сучасныя сыстэмы супрацьдзеяньня дронам і ўмацаваньня назіраньня за паветранай прасторай, паведаміла МУС Літвы.
«Праблемаў бясьпекі ў нашым рэгіёне ня меншае. Апошнім часам мы сутыкаемся з парушэньнямі паветранай прасторы. Каб забясьпечыць абарону, трэба інвэставаць у сучаснае супрацьдронавае абсталяваньне», — заявіў міністар унутраных спраў Літвы Ўладзіслаў Кандратовіч.
Інцыдэнты з дронамі ў рэгіёне
10 ліпеня, Літва. Расейскі дрон «Гербера» ўпаў за кілямэтар ад мяжы зь Беларусьсю.
28 ліпеня, Літва. Неапазнаны дрон, які, як высьветлілася пазьней, нёс 2 кг выбухоўкі, заляцеў зь Беларусі і быў знойдзены празь пяць дзён на вайсковым палігоне. Паліцыя разаслала жыхарам Вільні папярэджаньні.
19 жніўня, Польшча. Неапазнаны абʼект, імаверна, які прыляцеў з боку Беларусі, упаў і ўзарваўся на полі. Папярэдне, гэта быў расейскі дрон-«прынада» тыпу «Шахед».
26 жніўня, Эстонія. Фэрмэр знайшоў на полі абломкі ўдарнага дрона. Паліцыя мяркуе, што гэта быў украінскі дрон, які Расея зьбіла з курсу сродкамі радыёэлектроннай барацьбы.
Міністры краін рэгіёну падкрэсьліваюць, што гэтыя інцыдэнты, а таксама арганізаваны Менскам мігранцкі крызіс, які цягнецца з 2021 году, сьведчаць на неабходнасьць узмацненьня бясьпекі межаў Эўразьвязу.
ГЛЯДЗІЦЕ ТАКСАМА: Пасьля здарэньняў з дронамі Літва перакінула бліжэй да мяжы зь Беларусьсю сродкі СПА