Паводле слоў кіраўніка рэгіёна, з агнём чатыры дні змагаліся больш за 500 чалавек, было задзейнічана 100 адзінак тэхнікі, у тым ліку Іл-76 і два верталёты Мі-8.
Пажар, які ўспыхнуў каля вёскі Крыніца, ахапіў плошчу 42 гектары. Усяго за 10 кілямэтраў ад Крыніцы знаходзіцца мыс Ідакопас, дзе, як сьцвярджае ў сваім расьсьледаваньні Фонд барацьбы з карупцыяй (ФБК), знаходзіцца так званы «палац» прэзыдэнта Расеі Уладзіміра Пуціна.
Паводле зьвестак ФБК, будынак плошчай 17 691 квадратных мэтраў зьяўляецца найбуйнейшым прыватным жылым будынкам у Расеі. На прылеглай тэрыторыі разьмешчаныя лядовы палац, царква, аранжарэя, чайны домік і тунэль з выглядам на мора. Над галоўным будынкам усталявана беспалётная зона, а доступ да мора паблізу яго забаронены, паведамляе ФБК.
Сам Уладзімір Пуцін заявіў, што ні яму, ні яго сваякам ніколі не належаў аб'ект, пра які гаворыцца ў расьсьледаваньні.
Форум