Жыхара Віцебску затрымалі за абразу дзяржаўнага сьцяга
У Віцебску затрымалі 34-гадовага мясцовага жыхара, які выцягнуў дзяржаўны сьцяг разам з дрэўкам з кранштэйну, прайшоў зь ім каля 100 мэтраў і выкінуў на зямлю.
Яму ставяць у віну, што ён такім чынам імкнуўся прычыніць шкоду аўтарытэту краіны, напісала дзяржаўная газэта «Витебские вести».
Жыхара Віцебску затрымалі, адсачыўшы яго ў відэакамэрах, яму пагражае да 3-х гадоў зьняволеньня, піша «Вясна».
