Турэцкае інфармацыйнае агенцтва IHA паведаміла сёньня, што Котаў прыбыў у аэрапорт Стамбула з Варшавы ў 13.49 21 жніўня і ў той жа дзень вылецеў у турэцкі горад Трабзон і пакінуў краіну праз марскі памежны пераход Трабзон рэйсам у 18.35. Праз тры гадзіны сувязь зь ім зьнікла.
Апошнім часам Котаў выступаў у якасьці палітоляга, працаваў у Беларускім фондзе спартовай салідарнасьці. Сёньня госьць «ПіКа Свабода» выканаўчы дырэктар гэтага фонду Аляксандар Апейкін. Некаторыя тэзісы гутаркі:
- Дэпартацыя - гэта афіцыйная працэдура. Для гэтага патрэбныя пэўныя паперы, трэба прадастаўляць адваката, і такі працэс можа выклікаць увагу грамадзкасьці і яна магла б гэта спыніць. Наколькі мне вядома, пакуль ня было выпадкаў дэпартацыі беларусаў з Турцыі. Таму мы разглядаем вэрсію зь неафіцыйнай экстрадыцыяй. Яго маглі затрымаць і прымусова вывезьці з тэрыторыі Турцыі. Магчыма ён быў у стане непрытомнасьці, можа ён страціў кантроль над сваім станам.
- Калі б гэта была добраахвотная ацыя Анатоля, то няма сэнсу ехаць у Трабзон і выяжджаць марскім шляхам. Ёсьць прамыя рэйсы да Менска і Масквы. Найбліжэйшыя маршруты з Трабзона - Батумі і Сочы.
- Нічога ў яго паводзінах або камунікацыі не сьведчыла пра нестандарнтыя варыянты разьвіцьця падзей. Былі стабільныя паводзіны і рыторыка.
- Апошнім часам ён мала займаўся палітычнымі пытаньнямі, займаўся бізнэсам. Ён часта лятаў, на Кіпр, Мальту, у Гішпанію і нават Турцыю. Таму ніхто не зьвярнуў увагу на гэтую паездку.
- Ніякіх грошай разам з Анатолем ня зьнікла. Гэта хлусьня.
- Калі дапусьціць, што гэта выкраданьне і што ён зараз у Беларусі, то паказваць яго па тэлевізіі няма патрэбы. Ідуць нейкія перамовы паміж Беларусьсю і ЗША, таму такую справу ня варта паказваць. Але гэта не азначае, што ён ня ў Беларусі.
«ПіК Свабоды»
«ПіК Свабоды» — гэты штодзённая YouTube-праграма і падкаст, у якой журналісты Свабоды абмяркоўваюць галоўную падзею дня з палітыкамі, грамадзкімі дзеячамі, экспэртамі і аналітыкамі. Вострыя пытаньні і актуальныя камэнтары пра важныя падзеі для Беларусі і беларусаў.
Як глядзець на YouTube
Падпішыцеся на наш YouTube-канал «Свабода Premium», каб не прапусьціць ніводнага выпуску.
Як слухаць падкаст
Калі вам зручней слухаць, а не глядзець, наш праект дасяжны на асноўных падкаст-плятформах. Выберыце тую, якая падыходзіць менавіта вам.
• Наш сайт
• Apple Podcasts
• Spotify
• Soundcloud
• Podcast Republic
Чароўная спасылка — клікнуўшы на яе, вы аўтаматычна трапіце на адну з папулярных плятформаў.
Форум