Ужо сёньня: дзень народзінаў Эдварда Вайніловіча, Язэпа Драздовіча і Веры Церлюкевіч

Дзень у гісторыі

1795 — у Санкт-Пецярбургу ўпаўнаважаныя Аўстра-Вугоршчыны, Прусіі і Расеі падпісалі канвэнцыю аб трэцім падзеле Рэчы Паспалітай.

1900 — апублікаваная асноўная кніга Зыгмунда Фройда «Тлумачэньне сноў».

1910 — у Санкт-Пецярбургу ў друкарні Пянткоўскага выходзіць другі паэтычны зборнік Янкі Купалы «Гусьляр».

1929 — у Менску пачаўся рух трамваяў.

1960 — з канвэеру Беларускага аўтамабільнага заводу ў Жодзіне сышоў першы 40-тонны самазвал.

1999 — створаная Віцебская дыяцэзія.

ГЛЯДЗІЦЕ ТАКСАМА:

«Год гістарычнай памяці можа стаць годам памінак». Вялікае інтэрвію з ксяндзом Вячаславам Барком

У гэты дзень нарадзіліся

1847 — Эдвард Вайніловіч, гаспадарчы і палітычны дзеяч, мэмуарыст. У 1905–1910 гадах на грошы Вайніловіча пабудавалі Чырвоны касьцёл у памяць пра ягоных дзяцей, якія заўчасна памерлі, — Сымона і Алену Вайніловічаў.

ГЛЯДЗІЦЕ ТАКСАМА:

Міліцыянты перашкодзілі малітве вернікаў каля закрытага Чырвонага касьцёла і спрабавалі затрымаць ксяндза. ФОТА

1888 — Язэп Драздовіч, беларускі мастак, скульптар, этнограф.

1896 — Мікола Шчакаціхін, мастацтвазнавец, гісторык, тэарэтык мастацтва, дасьледаваў выяўленчае мастацтва і архітэктуру Беларусі ад старажытных часоў да сучаснасьці.

1925 – Маргарэт Тэтчэр, прэм’ер-міністар Вялікай Брытаніі.

1941 — Вера Церлюкевіч, рабочая, удзельніца нацыянальна-дэмакратычнага руху 1990-х.

1970 — Вітольд Ашурак, беларускі палітвязень. Памёр у турме ў траўні 2021 пры нявысьветленых абставінах.

ГЛЯДЗІЦЕ ТАКСАМА:

«Мы вернемся. Мы абавязкова вернемся!». Фрагмэнты лістоў Вітольда Ашурка з турмы

У гэты дзень памерлі

1986 — Андрэй Бембель, скульптар, народны мастак Беларусі.

2001 — Максім Лужанін, беларускі паэт, літаратуразнаўца.