У Беларусі зьявіўся новы турыстычны чыгуначны маршрут, у якім наведваюць у тым ліку мясьціны, зьвязаныя з Аляксандрам Лукашэнкам, паведамілі ў прэс-службе Беларускай чыгункі.
Ён разьлічаны перадусім на расейскіх турыстаў. Яго распрацаваў турыстычны цэнтар «Дартур» БЧ сумесна з калегамі з Расейскіх чыгунак «для ўмацаваньня культурных сувязяў паміж краінамі».
Першыя госьці ўжо абкаталі новы напрамак. На працягу двух дзён турысты з Масквы паехалі ў Гомель, Магілёў, Шклоў і Александрыю. Праграма прадугледжвала знаёмства зь мясцовымі славутасьцямі, гісторыяй, культурай і традыцыямі краіны, дэгустацыю страў беларускай кухні.
У Гомлі расейцы наведалі палац Румянцавых-Паскевічаў, у Магілёве — катэдральны касьцёл Унебаўзяцьця Дзевы Марыі і сьвятога Станіслава, Сьвята-Мікольскі жаночы манастыр, мясцовы краязнаўчы музэй і Буйніцкае поле. А далей турыстаў павезьлі ў аграгарадок Александрыя, дзе яны наведалі Трафімаву крыніцу (названую так у гонар дзеда Лукашэнкі), а таксама школу, дзе вучыўся Аляксандар Лукашэнка.
Акрамя таго, пабывалі вандроўнікі і ў Копысі на Аршаншчыне, дзе нарадзіўся Лукашэнка.
У прэс-цэнтры БЧ заявілі, што паездка турыстам спадабалася, таму праект «Пярліны Беларусі» працягнуць разьвіваць.
Форум